இஸ்ரேலில் கடும் பதட்டம்: பொதுமக்கள் பாதுகாப்புக்கு கேஸ் தடுப்பு முகமூடிகள்
சிரியா மீது எந்த நிமிடத்திலும் அமெரிக்கா தாக்குதல் நடத்தலாம் என்ற நிலையில், அங்கு பதட்டம் நிலவுகிறது. அதற்கு எந்த விதத்திலும் குறையாத பதட்டம் இஸ்ரேலில் நிலவுகிறது. காரணம், சிரியா மீது தாக்குதல் நடந்தால், சிரியா உடனடியாக திருப்பி தாக்கப்போவது, அநேகமாக இஸ்ரேலை நோக்கித்தான்!
இதனால், இஸ்ரேலிய நகரங்களில் பலத்த பாதுகாப்பு முன்னேற்பாடுகள் தொடங்கிவிட்டன.
சிரியா ரசாயன ஆயுதங்களை பயன்படுத்துவதாக அமெரிக்கா சொல்கிறது. இஸ்ரேல் மீது சிரியா ஏவுகணை தாக்குதல் நடத்தினால், ஏவுகணையின் வார்-ஹெட்டில் ரசாயன ஆயுதங்களே பொருத்தப்படலாம் என்ற அச்சம் இஸ்ரேலில் நிலவுகிறது.
இஸ்ரேலின் வடக்கு நகரங்களில், ரசாயன தாக்குதலில் இருந்து பாதுகாப்பு கொடுக்கும் கேஸ் தடுப்பு முகமூடிகள் பொதுமக்களுக்கு வழங்கப்படுகின்றன. மொத்தம் 800 பாடசாலைகள், 2,800 சிறார் பள்ளிகளில் திங்கட்கிழமை பாதுகாப்பு பயிற்சிகள் கொடுக்கப்பட உள்ளதாக அறிவிக்கப்பட்டுள்ளது.
எந்த நிமிடமும் தாக்குதல் நடக்கலாம் என்ற பதட்டம் ஏற்பட்டுள்ள இஸ்ரேலிய நகரங்களில் எடுக்கப்பட்ட சில போட்டோக்கள், கீழேயுள்ள இணைப்பில் உள்ளன.
1-வது போட்டோவில், கேஸ் தடுப்பு முகமூடிகளை றெ்றுக்கொள்ள காத்திருக்கும் மக்களை பாருங்கள். 2-வது போட்டோவில், கிர்யாட் கட்டில் உள்ள கேஸ் முகமூடி தொழிற்சாலையில் அவசரகதியில் தயாரிக்கப்படும் முகமூடிகள்.
3-வது போட்டோவில், கோலன் ஹைட்ஸ் எல்லைப் பகுதியில் டாங்கிகளுடன் தயாராகும் இஸ்ரேலிய ராணுவம். 4-வது போட்டோவில், இஸ்ரேலிய சிரியா எல்லையில் மெர்க்கவா டாங்கிகளில் பயன்படுத்தப்படும் ஷெல் ஒன்றை லோட் பண்ண எடுத்துச் செல்லும் இஸ்ரேலிய ராணுவ வீரர்.
5-வது போட்டோ, தலைநகர் டெல்-அவிவ்வில் உள்ள மத்திய போஸ்ட் ஆபீஸில் புதிய கேஸ் முகமூடிகளை பெறுவதற்கு பதிவு செய்துகொள்ள தமது அடையாள அட்டைகளுடன் காத்திருக்கும் மக்கள். 6-வது போட்டோவில் நீங்கள் பார்ப்பது, ஹைஃபா நகரில் தயார் நிலையில் உள்ள பாட்ரியாட் ராக்கெட் தடுப்பு சாதனம்.
7-வது போட்டோவில், ஹைஃபா நகரில் கேஸ் தடுப்பு முகமூடிகள் வழங்கப்படும் காட்சி. 8-வது போட்டோவில், கோலன் ஹைட்ஸ் எல்லைப் பகுதியில் வரிசையாக நிறுத்தி வைக்கப்பட்டுள்ள மெர்க்கவா டாங்கிகள். 9-வது போட்டோவில், அதே பகுதியில் இஸ்ரேலிய ராணுவ வீரர்கள் மேற்கொள்ளும் பயிற்சி.
10-வது போட்டோவில், ஜெருசலேம் நகரில் ஆர்தோடாக்ஸ் மதவாதி ஒருவர், தமது குழந்தைகளுடன் வந்து பாதுகாப்பு முகமூடிகளை பெற்றுச் செல்லும் காட்சி. 11-வது போட்டோவில், இஸ்ரேல் – சிரியா எல்லையில் டாங்கி ஒன்றை செலுத்திச் செல்லும் இஸ்ரேலிய ராணுவ வீரர்.
12-வது போட்டோவில் நீங்கள் பார்ப்பதுதான், Iron Dome. ராக்கெட் மற்றும், ஏவுகணைகளை தடுத்து விழுத்தும் சாதனம். இந்த இன்டர்செப்டர் பேட்டரிகள் கொடுக்கப்போகும் பாதுகாப்பை நம்பித்தான் உள்ளன, இஸ்ரேலிய நகரங்கள். போட்டோக்களை, கீழேயுள்ள லிங்கில் கிளிக் செய்து பார்க்கவும்.
0 comments: