ஈராக், லிபியா, சிரியா வழியில் இப்போது எகிப்து - பயணங்கள் முடிவதில்லை !!

ஈராக், லிபியா, சிரியா வழியில் இப்போது எகிப்து - பயணங்கள் முடிவதில்லை !!

முஸ்லிம் உலகின் பலமிக்க இராணுவங்களை செயலிழக்க வைக்கும் யூத பொறி முறை!!One Bullet Multiple Targets

சினாயை நோக்கி எகிப்திய இராணுவம் நகர தயாராவதாக தகவல்கள் வருகின்றன. தேடி வரும் இராணுவத்தை ஒரு கை பார்ப்தற்கு முஸ்லிம் போராளிகள் கங்கணம்கட்டி காத்திருக்கிறார்கள். வெற்றி அல்லது வீரமரணம் என்பதை அவர்கள் உதடுகள் உச்சரிக்கின்றன. ஆக இரண்டு முஸ்லிம்கள் ஒருவரை ஒருவர் காபிர் செய்த துப்பாக்கியால் சுட்டுக்கொள்ளப் போகிறார்கள்.


ஈராக். இந்த தேசத்தை அமெரிக்கா மேற்கைரோப்பிய நாடுகளையும் கூட்டு சேர்த்துக்கொண்டு தாக்கியது. ஷியாக்களை ஆட்சியில் அமர்த்தி உள்நாட்டு சண்டை களத்தை திறந்து விட்டது. லிபியாவின் ஆட்சியை கவிழ்த்தது. அங்கும் பிராந்திய சண்டைக்களங்கள் திறக்கப்பட்டன. சிரியாவில் உலகம் கண்டிராத சகோதர படுகொலைகள் நிகழ்ந்து கொண்டிருக்கின்றன. இப்போது எகிப்து. சகோதர படுகொலைகளிற்கான மத்திய சந்தையாக மாறவிருக்கிறது. இதையெல்லாம் ஏன் செய்கிறார்கள் இந்த நஸரானிகள்?.

“யூத நலன்”. இந்த ஒற்றை சொல்லிற்காக. இஸ்ரேல் எனும் சட்டவிரோத தேசம் தன் சாம்ராஜ்யத்தை விஸ்தரிப்பதற்காக செய்யும் சதிகளின் நிகழ்வுகளே நாம் மேற்கூறியவை.

லிபியாவின் இராணுவம் அல்ல அமெரிக்காவின் இலக்கு. அந்த தேசத்தின் இராணுவத்தில் உள்ள சில முக்கிய படை பிரிவுகளே இலக்காகும். உதாரணமாக லிபியாவின் ஏவுகணை படைப்பிரிவு, இரசாயன கட்டமைப்பு என்பன. அது போலவே ஈராக்கின் இராணுவத்தின் டாங்கி படைப்பிரிவும், ஏவுகணை படைப்பிரிவும், அதன் இரசாயன கட்டமைப்பும். சிரியாவிலும் அது போலவே. அதன் ஏவுகணை, டாங்கி படைப்பிரிவுகள். இப்போது எகிப்திய இராணுவத்தின் சில அதி முக்கிய கட்டமைப்புகள்.

முஸ்லிம் உலகின் பலம் பொருந்திய இராணுவங்கள் அதன் வளங்களையும் வலுக்களையும் இழந்த நிலையில் அதன் கட்டமைப்புக்கள் சீர்குலைந்த நிலைியில், திறமைமிக்க தேசிய நலனில் அக்கறையுள்ள படைத்தளபதிகள் அற்ற நிலையில் இடியமீனின் உகண்டா இராணுவம் போல செயற்திறனற்று போயுள்ளன. இது தான் மேற்கிற்கும் அமெரிக்காவிற்கும் தேவை. 

எஞ்சியுள்ளது துருக்கியும், எகிப்தும். துருக்கி நேட்டோவில் தவக்கல் வைத்து அதனிடம் அடைக்கலம் தேடி விட்டது. அப்படியானால் அடுத்து கத்தி வைக்க வேண்டியது எகிப்திய இராணுவத்தையே. அதற்கான செயற்திட்டங்கள் தான் இப்போது அழகாக உள்நாட்டு சண்டைகளாக வடிவமைக்கப்பட்டுள்ளன. 

ஒரு விடயத்தை நாம் விளங்கிக் கொள்ளல் வேண்டும். அமெரிக்கா எல்லாவற்றையும் ஓரிரு வருடங்களிற்கு முன்னரே திட்டமிட்டு விட்டது. இப்போது அதற்கு செயல் வடிவம் கொடுத்து வருகிறது. எதிர்பாராத திருப்பங்கள் வரும் போது தான் அவர்களிற்கு நெருக்கடிகள் வருகின்றன. மற்றப்படி எல்லாமே சுபம்.

சினாய் மீது தாக்குதல் நடாத்த தயாராகும் எகிப்திய இராணுவம்..

சினாய் மீது தாக்குதல் நடாத்த தயாராகும் எகிப்திய இராணுவம்..

சினாயில் முஜாஹித்கள் வசம் உள்ள பகுதிகளை மீட்கவும், முஜாஹித்களை  இல்லாதொழிக்கவும் எகிப்திய இராணுவம் பாரிய இராணுவ நடிவடிக்கைக்கு தயாராகி வருகிறது. இந்த தகவலை எகிப்திய இராணுவ அதிகாரியொருவர் நேற்றைய தினம் (07/07/2013) வெளியிட்டுள்ளார். பயங்கரவாதிகளையும், குற்றவாளிகளையும் இந்த நடவடிக்கை மூலம் கொன்றொழிக்க போவதாக அவர் சூளுரைத்துள்ளார். 


எகிப்திய இராணுவத்தின் ஒரு ஆண்டிற்கான மொத்த செலவினத்தில் 30 விகிதம் அமெரிக்க அரசு வழங்கும் நிதி மூலமே கிடைக்கிறது. சினாய் யூத தேசமான இஸ்ரேலின் எல்லையில் உள்ளது. சினாயின் ஒரு பகுதியை அரபு யுத்தத்தின் போது இஸ்ரேல் கைப்பற்றியும் இருந்தது. சினாய் மீதான முஜாஹித்களின் ஆதிக்கம் இஸ்ரேலின் பாதுகாப்பினை கேள்விக்குட்படுத்தும். இப்போது எகிப்திய இராணுவம் அதனை தடுக்க சினாய் நோக்கி செல்லவிருக்கிறது. 

ரபாவின் al-Barahmeh பகுதியில் உள்ள சுரங்கப் பாதைகளில் எகிப்திய இராணுவம் நேற்றைய தினம் வெடிமருந்துகள் அடங்கிய 07 பெட்டிகளை கைப்பற்றியிருந்தது. இதனையடுத்து கவச வாகனங்கள் ரபாவின் எல்லைகளில் ரோந்துகளை அதிகரித்துள்ளது. 

சினாயை நோக்கி எகிப்திய துருப்புகாவி வாகனங்களும் டாங்கிகளும் நகர ஆரம்பித்துள்ளன. யூத தேச நலன்களிற்காக எகிப்திய இராணுவம் செயற்படும் அரசியல் நிகழ்ச்சி நிரலின் ஒரு பகுதியே இந்த செய்தி. 

எகிப்தில் இன்று இடம்பெற்ற ‘படுகொலை’ இஹ்வான்களையும் ஸலபிகளையும் ஒன்று படுத்துமா ?

எகிப்தில் இன்று இடம்பெற்ற ‘படுகொலை’ இஹ்வான்களையும் ஸலபிகளையும் ஒன்று படுத்துமா ?

எகிப்து தலைநகர் கெய்ரோவில்  ஜனாதிபதி முர்ஷியை  சிறைப்படுத்தி வைத்திருக்கும் இராணுவ முகாம்  என்று நம்பப்படும் முகாமுக்கு முன்பாக அமைதி  ஆர்ப்பாட்டத்தில் ஈடுபட்டிருந்தவர்கள் தொழுதுகொண்டிருந்த போது    இராணுவம் அவர்கள் மீது  பயங்கரமான துப்பாக்கி பிரயோகத்தை மேற்கொண்டுள்ளது.

இந்த ‘படுகொலை’ தாக்குதலில் 35 பேர்  சஹீதானதாகவும் 500 பேருக்கும் அதிகமானவர்கள்  காயமடைதுள்ளதாகவும்   இஹ்வான் அதிகாரிகள் தெரிவித்துள்ளனர். அதிகாலை சுபஹ் தொழுகையின்போது எந்தவிதமான எச்சரிக்கைகளும் இன்றி இராணுவம்  தம்மீது துப்பாக்கி தாக்குதல்  மேற்கொண்டதாக அமைதி ஆர்ப்பாட்டத்தில் ஈடுபட்டிருந்தவர்கள் தெரிவித்துள்ளனர்.

அல்- நூர் கட்சி

அதேவேளை இராணுவத்தின் தாக்குதலை ‘ படுகொலை’ என்று வர்ணித்துள்ள எகிப்தின் இரண்டாவது பெரிய  அரசியல் கட்சியான அல்- நூர் இஸ்லாமிய கட்சி ‘ படுகொலை’ க்கு எதிர்ப்பு தெரிவிக்கும் முகமாக  புதிய  அரசாங்கத்தை ஏற்படுத்தும் பேச்சுவார்த்தையில்  இருந்து விலகிக் கொள்வதாக அறிவித்துள்ளது .

அல்- நூர்  கட்சி ஜனாதிபதி  முர்ஷியை  பதிவியிலிருந்து கவிழ்த்த இராணுவ சதிப்புரட்சியை ஏற்றுகொண்டு இராணுவத்தின் திட்ட வரைபை  ”ரோட் மெப்” ஆதரித்திருந்து அதில் கையொப்பமிட்ட   முதலாவது  பெரிய  அரசியல் கட்சி என்பது குறிப்பிடத்தக்கது.

நாட்டின் முதல் பெரும் செல்வாக்கை பெற்ற பல்கூட்டணி (மதசார்பற்றோர் அடங்களாக)   கட்சியான இஹ்வான்களின் அரசியல் கட்சியான நீதிக்கும் சுதந்திரத்துக்குமான கட்சி விளங்கும் அதேவேளை அல்- நூர்  கட்சி தனி ஸலபி இஸ்லாமிய வாதிகளை மட்டும் கொண்ட கட்சியாக உள்ளமை குறிப்பிடத்தக்கது.

அதேவேளை இன்று அமைதி ஆர்ப்பாட்டக் காரர்கள் மீது  நடாத்தப்பட்ட தாக்குதல்கள் தொடர்பில்  இராணுவம் தெரிவித்துள்ள செய்தியில்  ‘பயங்கரவாதக் கும்பலொன்று’ முகாமின் பாதுகாப்பு தடுப்பு அரணை தகர்க்க முயன்றதாகவும் அதனால் தாக்குதல் நடாத்தியதாகவும் தெரிவித்துள்ளது .

இணைப்பு:2

இந்த ‘படுகொலை’ தாக்குதலில் கொல்லப் பட்டவர்களின் எண்ணிக்கை குறைந்தது 53 என்று சர்வதேச  தகவல்கள் குறிப்பிடுகிறது  1000 பேருக்கும் அதிகமானவர்கள்  காயமடைதுள்ளதாகவும். சர்வதேச  தகவல்கள் குறிப்பிடுகிறது.

களமிறங்க தயாராகும் இஹ்வான்கள் !! - “இஸ்லாத்திற்கும் மதச்சார்பின்மைக்கும் இடையிலான பலப்பரீட்சை களமாகும் எகிப்து”

களமிறங்க தயாராகும் இஹ்வான்கள் !! - “இஸ்லாத்திற்கும் மதச்சார்பின்மைக்கும் இடையிலான பலப்பரீட்சை களமாகும் எகிப்து”

எகிப்தின்  “இஸ்லாமிய தேசிய முன்னணி” நாடு தழுவிய மாபெரும் ஆர்ப்பாட்ட ஊர்வலத்திற்கு அவசரமாக அழைப்பு விடுத்துள்ளது. தலைநகர் Cairo விலும் Giza விலும் இந்த ஆர்ப்பாட்ட பேரணியை நடாத்தி முடிக்க அவர்கள் ஒழுங்குகளை மேற்கொண்டுள்ளார்கள். எகிப்திய அதிபர் முர்ஷிக்கு ஆதரவாக இந்த பேரணி நடைபெறவுள்ளது. அண்மைய நாட்களில் அரசிற்கு எதிராக மதச்சார்பற்றவர்கள், முதலாளித்துவாதிகள், தாராளகொள்கைவாதிகள், ஷியாக்கள், இஸ்லாமிய எதிர்புண்ர்வு கொண்ட மேற்கத்தைய நாகரீத்தினை ஆகர்ஷிப்பவர்கள், இஸ்லாமிய அரசை விரும்பாத சடவாத சிந்தனை கொண்ட இராணுவ ஆதரவாளர்கள் என பல தரப்பட்டவர்களும் ஒன்றினைந்து அலெக்ஸாண்டிரியாவில் ஒரு பெரிய ஆர்ப்பாட்டத்தை நடாத்தியிருந்தனர். அந்த ஆர்ப்பாட்டம் மெல்ல அரசிற்கு எதிரான கலவரமாக மாறியது. அது தலைநகர் கெய்ரோ வரைக்கும் தனது பாதங்களை பதித்துள்ளது. இதற்கெதிராகவே இந்த பேரணிக்கான அழைப்பு விடுக்கப்பட்டுள்ளது. 


நாம் முன்பு கைபர் தளத்தில் “இஹ்வானிய அரசின் பின் பதுங்கியுள்ள இராணுவ மூளைகள்” எனும் தலைப்பில் ஒரு பதிவை வெளியிட்டிருந்தோம். அதில் கோடிகாட்டிய எதிர்வு கூறல்களிற்கு ஏதுவாக இப்போது நிலைமைகள் உருவாகியுள்ளன.

இஸ்லாமியவாதிகளிற்கும் (இஹ்வான்களிற்கும்) சடவாத சிந்தனை கொண்ட மதச்சார்பற்றவர்களிற்கும் இடையிலான போராட்டமே அங்கு உருவாகியுள்ளது. முர்ஷியின் அரசை கவிழ்ப்பதன் ஊடாக எகிப்தில் இராணுவ ஆட்சியை உருவாக்கும் பெரிய ஒரு திட்டத்தின் முதற்கட்ட செயற்பாடுகளாகவே இவையமைந்துள்ளன. அதற்கு ஏற்றாற் போல இப்போது எகிப்திய இராணுவம் 48 மணி நேரத்தினுள் இருதரப்பையும் சமரசத்திற்கு வருமாறும் இல்லாவிட்டால் இராணுவம் ஆட்சியை பாரமெடுக்கும் நிலை உருவாகும் என எச்சரிக்கை விடுத்துள்ளது. 

பாதுகாப்பமைச்சர் General AbdelFattah al-Sissi இந்த எச்சரிக்கையை விடுத்துள்ளார். ஆனால் அல்-இஹ்வானுல் முஸ்லிமீன் அமைப்பினர் வரும் திங்கட்கிழமை எகிப்திய பல்கலைக்கழகத்தில் இருந்து தங்கள் அடையாள ஆர்ப்பாட்ட ஊர்வலத்தை ஆரம்பிப்பதில் உறுதியாக உள்ளனர். 

இஹ்வான்கள் எகிப்திய அரசிற்கு எதிரான வன்முறையில் இயங்கும் ஆர்ப்பாட்டக்காரர்களை தாங்கள் முகம் கொள்ள தயாராக உள்ளதாக அறிவித்துள்ளனர். எகிப்திய இராணுவத்ததை ஆர்ப்பாட்டக்காரர்களிற்கு எதிராக நடவடிக்கை எடுக்க அனுமதித்தால் அது இன்னொரு இராணுவ புரட்சிக்கு வித்திடும் என இஹ்வான்கள் கருதுகின்றனர். 

எகிப்தில் இதுவரை நடந்த கலவரங்களில் 18 இற்கும் மேற்பட்டவர்கள் மரணித்துள்ளனர். அரச எதிர்ப்பு ஆர்ப்பாட்டக்காரர்கள் வன்முறையில் நேரடியாகவே இறங்கியுள்ளனர். இவர்களிற்கு பின்னால் சர்வதேச அரசியல் சக்திகள் உள்ளன என்பது வெளிப்படை.

முஸ்லிம் பள்ளியில் புத்தர் சிலை!

கொழும்பு: இலங்கை வாழைசேனை  சாதுலியா வித்தியாலயா என்கிற முஸ்லிம்  பள்ளி மைதானத்தில் திடீரென தோன்றிய புத்தர் சிலையால் அங்கு பரபரப்பு ஏற்பட்டுள்ளது.

கடந்த ஞாயிற்றுக்கிழமை இரவு  இந்த புத்தர் சிலை வைக்கப்பட்டுள்ளது. மைதானத்தின் நடுவில் மேசையொன்றில் புத்தர் சிலை வைக்கப்பட்டு, நிழலுக்கு குடையொன்றும் நடப்பட்டுள்ளதை மறுநாள் காலையில் தாங்கள் கண்டதாகக் கூறும் பள்ளி நிர்வாகம் வாழைச்சேனை காவல் நிலையத்தில்  இது தொடர்பாக புகார் செய்துள்ளதாகவும் தெரிவித்துள்ளது.

இந்த நிலையில் இந்த சிலையை வைத்த வாழைச்சேனை புத்த ஜயந்தி, "சிலையை வைப்பதற்கு நான் யாரிடமும் கேட்க வேண்டிய அவசியம் கிடையாது" என்று கூறியுள்ளார். மேலும் இந்த மைதானம் புத்தர் சிலைக்காக ஒதுக்கப் பட்டதாகவும்   இது முஸ்லிம்களுக்கு எதிரான செயலாக  எவரும் கருதக் கூடாது. என்றும் அவர் தெரிவித்துள்ளார்.

 இந்த மைதானம் உரிமை தொடர்பாக  விகாராதிபதிக்கும் பள்ளி நிர்வாகத்திற்குமிடையில் ஏற்கனவே முரண்பாடு இருந்துள்ளது. எனினும் இந்த மைதானம் பள்ளி நிர்வாகத்திற்கே சொந்தம் என்று நீதிமன்றம் தீர்ப்பளித்துள்ள நிலையில் இங்கு புத்தர் சிலை வைக்கப் பட்டுள்ளது பெரும்  பரபரப்பை ஏற்படுத்தியுள்ளது..

  அல்-குர்ஆன் மீது பதவிப்பிரமாணம்.. ஆஸி.யின் முதல் முஸ்லீம் அமைச்சரை விமர்சித்த இனவெறியர்கள்

மெல்போர்ன்: திருக்குரான் மீது கை வைத்து பதவிப்பிரமாணம் செய்து கொண்ட ஆஸ்திரேலியாவி்ன் முதல் இஸ்லாமிய அமைச்சரை கடுமையாக விமர்சித்து, இனவெறியர்கள் டிவிட்டர், பேஸ்புக்கில் கருத்துக்களை வெளியிட்டுள்ளனர். இனவெறிக்குப் பெயர் போனது ஆஸ்திரேலியா. அங்கு தோலைப் பார்த்து ஆளைப் பார்க்கும் கூட்டம்தான் அதிகம். இந்தியர்கள் இந்த ஆஸ்திரேலியர்களிடம் சிக்கி பட்ட பாடு உலகுக்கே தெரியும். இப்படிப்பட்ட இனவெறி பிடித்த ஆஸ்திரேலியாவில், அந்த நாட்டு அமைச்சர் ஒருவரே இனவெறி விமர்சனத்துக்குள்ளாகியுள்ளார்.

முதல் இஸ்லாமிய அமைச்சர் எட் ஹூசிக் 43 வயதான எட் ஹூசிக் அந்த நாட்டின் ஒலிபரப்புத்துறை அமைச்சராக நியமிக்கப்பட்டுள்ளார். இவர் இஸ்லாமியர் ஆவார். மேலும் ஆஸ்திரேலியாவின் முதல் இஸ்லாமிய அமைச்சரும் கூட.

 இவரது பெற்றோர் போஸ்னியாவைச் சேர்ந்தவர்கள் ஆவர். இடம் பெயர்ந்து ஆஸ்திரேலியாவில் வசித்து வருகின்றனர்.

குரான் மீது பதவிப்பிரமாணம் இவர் திங்கள்கிழமையன்று பதவிப்பிரமாணம் எடுத்துக் கொண்டார். அப்போது திருக்குரான் மீது கை வைத்தப்படி பொறுப்பேற்றார்.

குரான் இல்லாமல் எப்படி பதவியேற்பது:
இதுகுறித்து ஹூசிக் கூறுகையில், நான் ஒரு முஸ்லீம். எனது நம்பிக்கையை நான் வெளிப்படுத்தினேன். என்னால் பைபிள் மீது கை வைத்து உறுதி ஏற்க முடியாது. நான் யாரோ அதுவாகவே இருக்க விரும்புகிறேன் என்று கூறினார் ஹூசிக்.

பிரதமர் கெவின் ரூட் வருத்தம்:

 ஹூசிக் மீதான இனவெறி தாக்குதல் குறித்து பிரதமர் கெவின் ரூட் வருத்தம் தெரிவித்துள்ளார். ஹூசிக்கின் பெற்றோருக்கு அவர் போன் செய்து தனது வருத்தத்தையும் பதிவு செய்தார்.

இஷ்ரத் வழக்கு: குஜராத் போலீஸ்- ஐபி இணைந்து நடத்திய “போலி என்கவுன்ட்டர்”- குற்றப்பத்திரிகையில் சிபிஐ!

அகமதாபாத்: குஜராத் மாநிலம் அகமதாபாத்தில் மாணவி இஷ்ரத் ஜஹான் உள்ளிட்ட 4 பேர் போலீசாரால் சுட்டுக் கொல்லப்பட்ட சம்பவம் அம்மாநில போலீசாரும் ஐபி உளவுப் பிரிவும் இணைந்து நடத்திய "போலி என்கவுன்ட்டர்" நடவடிக்கை என்று சிபிஐ இன்று தாக்கல் செய்த குற்றப் பத்திரிகையில் தெரிவிக்கப்பட்டுள்ளது. 2004ஆம் ஆண்டு குஜராத்தின் அகமதாபாத் புறநகரில் முதல்வர் நரேந்திர மோடியை கொலை செய்யும் நோக்கத்துடன் ஊடுருவிய தீவிரவாதிகள் என்று மும்பை மாணவி இஷ்ரத் ஜஹான், ப்ரனேஷ் பிள்ளை என்ற ஜாவேத் ஷேக், அம்ஜத் அலி ரானா, ஜீஷான் ஜோகர் ஆகிய 4 பேர் சுட்டுப் படுகொலை செய்யப்பட்டனர். ஆனால் இந்த 4 பேரும் அப்பாவிகள் என்றும் குஜராத் போலீசார் நடத்தியது போலி என்கவுன்ட்டர் என்றும் புகார்கள் எழுந்தன. இதைத் தொடர்ந்து இந்த வழக்கை சிபிஐ விசாரித்து வந்தது. சிபிஐ விசாரணையில் ஐ.பி. மத்திய புலனாய்வு அமைப்பு அதிகாரி ராஜேந்திர குமாருக்கும் இந்த என்கவுன்ட்டரில் தொடர்பு இருப்பதாக கூறப்பட்டது. பின்னர் இதை விசாரிக்கும் சிபிஐ அதிகாரி மிரட்டப்படுகிறார்.. அவருக்கு பாதுகாப்பு அளிக்க வேண்டும் என்று சிபிஐயே கோரியது. இந்நிலையில் இந்த வழக்கில் அகமதாபாத் கூடுதல் தலைமை மாஜிஸ்திரேட் நீதிமன்றத்தில் இன்று முதல் குற்றப்பத்திரிகையை சிபிஐ தாக்கல் செய்தது. அதில், அகமதாபாத் புறநகரில் குஜராத் போலீசார் 4 பேரை சுட்டுக் கொன்றது போலி என்கவுன்ட்டர். இந்த போலி என்கவுன்ட்டரை குஜராத் போலீசாரும் மத்திய புலனாய்வு அமைப்பான ஐபியும் இணைந்து மேற்கொண்டன. குஜராத் உயர் போலீஸ் அதிகாரிகளான பாண்டே உள்ளிட்டோர் இந்த போலி என்கவுன்ட்டர் சம்பவத்துக்குக் காரணம். ஐபி அமைப்பின் அதிகாரி ராஜேந்திரகுமாரின் பங்கு குறித்து அடுத்த கட்ட விசாரணை மேற்கொள்ளப்படும். இந்த வழக்கில் போலி எண்கெளன்டரை மூடி மறைக்க குஜராத் போலீசார் முயன்றனர். ஆதாரங்களை அழிக்கவும் முயன்றனர். இந்த விவகாரத்தில் 4 பேரையும் கடத்தி, சட்டவிரோதமாக சிறை வைத்து, மயக்க மருந்து செலுத்தி மயக்கமாக்கி, கொலை செய்துள்ளனர். இஷ்ரத் ஜகான் உள்ளிட்டோர் பயன்படுத்தியதாகக் கூறப்பட்ட ஏ.கே.-47, 2 பிஸ்டல்கள் குஜராத் ஐபி அலுவலகத்தில் இருந்து போலீசாரால் கொண்டு வரப்பட்டு சம்பவ இடத்தில் போடப்பட்டன. அதிகாரி வன்சாராவின் உத்தரவுப்படி இதை ஐபிஎஸ் அதிகாரியான ஜி.எல். சிங்கால் (இந்த விவகாரத்தில் இப்போது சஸ்பெண்ட் செய்யப்பட்டுள்ளார்) தான் ஐ.பி. அலுவலகத்துக்கு ஜூலை 14ம் தேதி சென்று இந்த ஆயுதங்களை வாங்கிக் கொண்டு வந்துள்ளார். பின்னர் அதை போலி எண்கெளன்டர் நடந்த இடத்தில் போட்டுள்ளனர். மேலும் இந்த விவகாரத்தில் எண்கெளன்டருக்கு முன்பாகவே எப்ஐஆரை குஜராத் போலீசார் தயார் செய்துள்ளனர். மேலும் கோதார்பூர் வாட்டர் ஒர்க்ஸ் பகுதியில் வைத்து இந்த போலி எண்கெளன்டர் நடத்தப்பட்டபோது இந்த நான்கு பேரையும் சுட ஒரு போலீஸ் இன்ஸ்பெக்டரும், கமாண்டோவும் மறுத்துள்ளனர். இதனால் கிரைம் பிராஞ்ச் போலீசாரிடையே சண்டை கூட நடந்துள்ளது. இதையடுத்து போலீஸ் இன்ஸ்பெக்டர் மற்றும் கமாண்டோவிடம் இருந்து துப்பாக்கிகளைப் பறித்த மற்ற போலீசார் இஷ்ரத் ஜகான் உள்ளிட்டோரை சுட்டுக் கொன்றனர் என்று சிபிஐயின் குற்றப் பத்திரிக்கையில் தெரிவிக்கப்பட்டுள்ளது. அதே நேரத்தில் இந்த என்கவுன்ட்டர் தொடர்பாக புகார் கூறப்பட்ட குஜராத் முன்னாள் அமைச்சர் அமித்ஷாவின் பெயர் இந்த முதல் குற்றப்பத்திரிகையில் இடம் பெறவில்லை. மேலும் இஷ்ரத் ஜகான் தீவிரவாதியா இல்லையா என்பது குறித்து நாங்கள் விசாரிக்கவில்லை என்றும் கூறப்பட்டுள்ளது. இந்த போலி எண்கெளன்டருக்கான காரணம் குறித்து விரைவில் தாக்கல் செய்யப்படவுள்ள கூடுதல் குற்றப்பத்திரிக்கையில் தெரிவிக்கப்படும் என்றும் சிபிஐ தெரிவித்துள்ளது. இந்த வழக்கில் போலீஸ் அதிகாரிகள் டிஜி வன்சாரா, பி.பி. பாண்டே (இவர் தலைமறைவாக உள்ளார்), தருன் பரோட், பார்மர், அமின் மற்றும் ஐபி அதிகாரி ராஜேந்திர குமார் உள்பட மொத்தம் 7 பேர் மீது சிபிஐ கொலைக் குற்றம் சாட்டியுள்ளது. போலி எண்கெளன்டர் நடப்பதற்கு முன் சில நாட்கள் இஷ்ரத் ஜகான் உள்ளிட்டோரை கொடியார் பண்ணையில் வைத்து பாண்டே உள்ளிட்ட போலீசார் விசாரித்துள்ளனர். இதன்மூலம் எண்கெளனடரே பொய்யானது என்பதும், இவர்கள் ஏற்கனவே கடத்தி வரப்பட்டு, சிறை வைக்கப்பட்டு கொலை செய்யப்பட்டுள்ளனர் என்பதும் உறுதியாகிறது என்று சிபிஐ தனது குற்றப் பத்திரிக்கையில் கூறியுள்ளனர். இவர்களை போலீஸ் அதிகாரிகளான அமின், தருன் பரோட் ஆகியோர் தான் கடத்தி வந்தனர் என்றும் சிபிஐ கூறியுள்ளது.